Безнең иҗат төркеме Олы Аты авылында булды. Биредә әби-бабайларыбыз мирасы булган «Самовыр кайнату» йоласы әле һаман да яшәп килә икән.
«Ак түтиләр» керәшен фольклор ансамбле чәй кайнаткычның тарихы, аның төрләре һәм халкыбыз тормышында биләгән урыны турында сөйли.
Балачакларында әти-әниләренең ничек самавырга салып йомырка пешерүләрен искә төшерә. Бәйрәм җыр-биюләр белән үрелеп бара, аның иң «тәмле» өлеше - хуш исле чәй эчү.
