Тапшыру – печән чабу йоласына багышлана. Белгәнебезчә, татар халкы элек-электән ел фасылына карап, күмәкләшеп өмәләр оештырган.
Һәм ул зур бәйрәм буларак үткән. Программа кысаларында Каенлы авылы өлкәннәре ничек итеп уракка чыгулары, атналар буе малларга азык әзерләүләре турында сөйләрләр.
Чөнки печән өсте дигән төшенчә хәзер югалып бара. Әлеге эшкә күбрәк техника җәлеп ителә. Шөкер, Түбән Кама районында чалгы тота белүче әбиләр әле бар.
