Яңа чыгарылыш «Кыз урлау» йоласына багышлана.
Әлеге гадәт бигрәк тә сугышка кадәр чорда киң таралган булган. Өйләнү карарына килгән егет, иң элек, дуслары белән план корган. Әзер торсыннар өчен, әти-әнисенә дә бу хакта хәбәр иткән.
Шуннан соң кодалары белән ризалаштыру эшләре башланган. Әлеге йола буенча гаилә коручы парлар Түбән Кама районы авылларында да күп булган. Тобада гына унга якын. Өлкәннәр билгеләп үтүенчә, кыз урлап төзелгән гаиләләр нык булган, таркалмаган.
