«Форсат» тапшыруы Май Чабу бәйрәменә багышлана.
Православие динен тотучылар кышны озатып, язны каршылыйлар. Йола буенча, күңел ачу чаралары бер атна дәвам итә. Һәр көннең үз мәгънәсе һәм исеме бар.
Сезнең игътибарга Актүбә авылындагы бәйрәм барышын тәкъдим итәбез.
Әлеге торак пунктта бер урам гына булса да, күңел ачырга килүчеләр шактый җыела. Күпләренең шәһәрдән балалары кунакка кайткан. Актүбә – тарихка керәшеннәр авылы булып кереп калган. Өлкәннәр Май Чабу бәйрәменең ничек узганын һаман да хәтерли.
