Авыл мичендә кызарып пешкән коймаклар – телеңне йотарлык сый булып торалар.
Бүген инде өйләрендә мич булучылар да сирәк. Ә менә Ташлык авылында яшәүче Һалә Вәлиева коймакны бүген дә мичтә пешерә. Хатын-кыз Ташлыкның аш-су остасы дисәк тә ялгышмабыз.
Көче килгәндә ул һәрвакыт авылдашларына чәк-чәк, кабартма, татлы пироглар пешерергә булышкан. Бүген инде ул Ак әби. Тик шуңа карамастан атна саен якыннарын мичтә пешкән, сары май белән буялган коймак белән сыйлый. Аны пешерү серләрен ул «Форсат» тапшыруы кысаларында да сөйләде.
