Түбән Кама табибы Вәгыйзь Саматович Сәйфуллин туган ягында музей булдырган.
Ул Иштирәк авылында урнашкан. Экспонатларны 20 еллап үзе бөртекләп җыйган. Кашыктан алып совет чоры машиналарына кадәр.
Аларның саны да билгесез. Һәрберсенең үз тарихы. Мондагы дистәләгән раритет техниканың барысы да сафта. Төрле маркадагы, төрле елларда эшләгән сәгатьләр дә туктаусыз йөреп тора. Патефон, радиоларны да кабызып тыңларга була.
