Илназ Зарипов тәрәзә йөзлекләре ясый. Борынгы бабаларыбыздан калган һөнәр белән Илназ өч ел элек кызыксына башлаган.
Башка районнарда яшәүче осталардан киңәшләр алган. Башта бизәкләрне кулдан киссә, хәзер инде бу эшне махсус аппарат башкара.
Илназ Зәй шәһәрендә яшәсә дә, Түбән Кама районында актив эшли. Ул ясаган йөзлекләр Кече Җирекле, Түбән Чаллы, Кызыл Чапчак авылындагы йортларны бизи. Программа кысаларында да ул Кызыл Чапчакта яшәүче Борһановлар гаиләсе йортына йөзлекләр урнаштырды.
