«Игелек марафоны» тапшыруы. Дүртенче чыгарылыш

Бу юлы безнең иҗат төркеме «Шинник» спорт комплексында була. Биредә физик мөмкинлекләре чикле түбәнкамалылар шөгыльләнә.

Һәрберсең үз тарихы. Дәресләрне волонтёр Радик Закиров алып бара. Мәрхәмәтле һәм алтын куллы ир-ат Яр Чаллыда яши. Соңгы 20 елда ике шәһәр арасын таптый.

Инвалидларның көнкүрешен кайгырта, аларга аякка басырга булыша. Кайчандыр бөтенләй йөри алмаучылар, аның ярдәме белән, бүген өстәл теннисы уйный, велосипед тәгәрмәчен әйләндерә, һәрдаим хәрәкәтләрен арттырырга тырыша.